USA, Nov 6th 2009
అక్షరాలూ రాని తల్లి - అ ఆ లు దిద్దించింది
చదువురాని మా అమ్మ - సంస్కారం నేర్పించింది
చెడుచూడకంది - చెడు మాట్లాడకంది
చెడు వినుటకు చెవులకు - పని చెప్పోద్దంది
సత్యాన్నే పలకమంది - సద్గుణాలు నేర్వమంది
అసూయా ద్వేషాలకు - ఆమడలో ఉండమంది
చాడీలు చెప్పకంది - చెప్పుడు మాటినకంది
మనసు మలినమయ్యాక - మనిషికి సుఖముండదంది
అనుమానం పెనుభూతం - పట్టుకుంటే వదలదంది
పచ్చ కామెర్ల రోగి - కంటి చూపు పచ్చదంది
కూడని విషయాలలో - పోలికలు కూడదంది
అరచేతి లోని వెళ్ళు - అన్ని ఒకటిగా లేవంది
అమ్మనీకు ముద్దితే - ఆప్యాయత చూపమంది
పరుల తల్లి లోన కూడా - తన తల్లి ని చూడమంది
క్రమశిక్షణ లేని బ్రతుకు - కాలసర్పమంటిదంది
కాలం గడిచే కొద్ది - కాటేయక మానదంది
ధనం మీద వ్యామోహం - దరికి చేరనియ్యకంది
వ్యామోహం వ్యసనమైతే - బ్రతుకంతా నరకమంది
కష్టాలు నష్టాలు - కలిసి నన్ను వేధిస్తే
కాలే కొలిమి లోన నన్ను - ఇనుప ముక్క కమ్మంది
కష్టపడ్డ మనిషికెపుడు - నష్టాలు లేవంది
అంతిమ విజయం కోసం - ఆశ తో చూడమంది
తల్లంటే పిల్లలకు - కరిగే కొవ్వోత్తంది
కరిగే తన గుణం లోన - వెలుగును చూడాలంది
పరులకు ఆదర్శంగా - పది కాలాలుండమంది
పరుల హితము కోరడమే - పరమేశునికిష్టమంది
ఇది మా అమ్మగారైన కీ.శే. శ్రీమతి మధురమ్మ రెండవ వర్ధంతి సందర్భంగా నేను ఆమెకు సమర్పించుకుంటున్న నా స్ముర్త్యాంజలి..
Friday, November 6, 2009
Subscribe to:
Post Comments (Atom)
No comments:
Post a Comment
Abhipraayalanu aahwaanisthaanu...