సంబరం అంబరాన్నంటిన వేళ ...

Place : USA
Date: August 29th 2009

ముంగిట విరిసిన ముద్ద బంతులు
మురిపాలోలికే గులాబీలు
పచ్చ పచ్చని పచ్చిక బయళ్ళు
రారమ్మని ఆహ్వానిస్తుంటే
అతిథుల రాక ఆరంభం
ఆ ఇంటికి తెచ్చెను ఆనందం
చిలుకల పలుకుల చిన్నారులు
బుడిబుడి నడకల బుజ్జాయిలు
చతురోక్తులను యుక్తిగా విసిరే పతి దేవుళ్ళు
చెలిమి కలిమిలో కళకళలాడే కాంతా మణులు
ఎటు చూసిన సందడి సందడి
ఆ ఇంతి సీమంతపు సవ్వడి
స్వదేశ సంస్కృతీ సాంప్రదాయాలు
సరిగమ పలికిన సమ్మేళనం
శుభాకాంక్షలు శుభమస్తంటూ
దీవేనలిచ్చిన సమారోహం
ఆహా ! ఏమి ఈ సంబరం
అంటూ సంతోషం అంబరాన్నంటిన వేళ ....

ఇది అమెరికా లో నివసిసిస్తున్న నా కూతురు సీమంతం జరిగిన సందర్భంలో నా హృదయ స్పందన..